• Friends of Arion

Bodegas Catena Zapata Dinner

Diabierna 28 di October, Tulip Caribbean Brasserie huntu cu Arion Wine Company N.V. a tene nan tan popular cena “Around the Globe”.

Esaki ta un cena anual cu ta hopi gusta entre e ‘wine lovers’ di Aruba y cu e biaha aki a tuma lugar den e restaurant ubica den e propiedad di  MVC Eagle Beach.
E evento a cuminsa cu un recepcion cozy den un ambiente sofistica, sigui pa un delicioso cena cu a ofrece un menú hopi varia, diseña pa e Chef Marc Giesbers. “Around the Globe” ta un cena cu ta bolbe anualmente den e temporada di ‘Otoño’ y e biaha aki a toca e turno na e biñanan di Argentina pa tuma e lugar di honor y compaña cada plato special di e anochi aki.

E biñanan selecciona pa e anochi aki tabata di e lineanan Alamos, Catena y Catena Alta, produci door di Catena Zapata, un compañía familiar productor di biña ubica na Mendoza, Argentina. 100 aña y 4 generacion, ta describi e trayectoria di e famia aki den e mundo di biña y cu na Aruba nos por disfruta danki na Arion Wine Company.

Pa haci e anochi aki uno mas memorble, tabatin música Live na encargo di e guitarrista Jerry Diaz, ken a presenta un repertorio hopi varia di temanan internacionalmente conoci den un versión acústico. E menú a consisti di 4 curso y cada plato a wordo acompaña pa un biña di Catena Zapata, pa asina resalta cada sabor den paladar.

Tulip Caribbean Brasserie kier a gradici tur e amantenan di biña cu ta haci e cena aki un éxito anualmente, y ta informa cu nan a cuminsa prepara for di awo e siguiente destino cu lo wordo presenta den nan versión Around the Globe 2017.

IMG_0472 IMG_0476 IMG_0486 IMG_0509 IMG_0517 IMG_0520 IMG_0527 IMG_0530 IMG_0560 IMG_0569 IMG_0590

IMG_0593